• 

  Т1 терминалы, бірінші қабат
  Жұмыс уақыты: тәулік бойы

  Ветеринарлық бақылау жайында ақпарат

«Қазақстан Республикасы Ауыл шаруашылығы Министрлігі Ветеринариялық бақылау және қадағалау Комитетінің Астана қаласы бойынша Аумақтық инспекциясы» ММ.

«Шекара мен көліктегі мемлекеттік ветеринариялық санитариялық бақылау және қадағалау» бөлімі
phone 56-17-26 
«Нұрсұлтан Назарбаев Халықаралық Әуежайы» ВББ (Ветеринариялық бақылау бекеті)
phone 28-65-12

Қазақстан Республикасының аумағында жануарлардың жұқпалы және экзотикалық аурулары қоздырғыштарының әкелінуі мен таралуының алдын алу мақсатында ветеринариялық-санитариялық бақылауды және қадағалауды жүзеге асыру үшін, сондай-ақ басқа мемлекеттерден адамдардың, жануарлардың денсаулығына және қоршаған ортаға қауіп төндіретін бақылаудағы жүктердің әкелінуіне жол бермеу үшін ветеринария саласындағы уәкілетті мемлекеттік орган (бұдан әрі — уәкілетті орган) шекара және кеден пункттерінде (мемлекеттік шекара арқылы өткізу пункттерінде) ветеринариялық бақылау бекеттерін (бұдан әрі – ВББ) ұйымдастырады.

 Қазақстан Республикасы Ауыл шаруашылығы министрлігі «Ветеринариялық бақылау және қадағалау комитетінің Астана қаласы бойынша аумақтық инспекциясы» ММ-сі келесіні хабарлайды:
Өткізуге түсетін жануарлардан алынатын өнімдер мен шикізат олардың қауіпсіздігін, шығу тегін және сапасын растайтын ветеринариялық ілеспе құжаттармен тасымалу тиіс.
Қазақстан Республикасының заңнамасында белгіленген талаптарға сәйкес келмейтін жануарлардан алынатын өнімдері айналысқа жіберілмейді.
Ветеринария заңнамасының талаптары бұзылған жағдайда 56-18-20 және 56-17-26 телефондары арқылы хабарласуларыңызды сұраймыз.

Мемлекеттік ветеринариялық қадағалауға жататын бақылауда болатын жүктер

Шекаралық мемлекеттік ветеринариялық қадағалауға мемлекеттік шекара арқылы өткізілетін бақылаудағы жүктердің мынадай түрлері жатады:

1) жануарлар – жануарлардың жыныс және соматикалық жасушаларын (эмбриондар, ұрық, ұрықтанған уылдырық, инкубациялық жұмыртқалар) қоса алғанда, үй, жабайы, хайуанаттар бағы, цирк, зертханалық, сәндік, мамық жүнді, теңіз жануарлары мен басқа да гидробионттардың, құстардың, аралардың, балықтардың барлық түрлері;

2) жануарлардан алынатын өнімдер – тамаққа тиісті өңдеусіз пайдаланылмайтын ет және ет өнімдері, сүт және сүт өнімдері, балық және балық өнімдері, жұмыртқа және жұмыртқа өндірісінің өнімдері, сондай-ақ бал ара шаруашылығының өнімі;

3) жануарлардан алынатын шикізат – тері, жүн, шаш, қыл, аң терісі, мамық, қауырсын, эндокриндік бездер, ішек-қарын, қан, сүйек, мүйіз, тұяқ, жануарлардан алынатын, жануарларды азықтандыруға арналған басқа да өнімдер;

4) ветеринариялық препараттар, жемшөп, жемшөп қоспалары.

Ветеринариялық бақылауға (қадағалауға) жататын тауарлардың толық тізімі Еуразиялық экономикалық одақ комиссиясының «Еуразиялық экономикалық одақта ветеринариялық-санитариялық шараларды қолдану туралы» 2010 жылғы 18 маусымдағы № 317 шешіміне 1-қосымшада келтірілген.

Қазақстан Республикасының аумағына ветеринариялық бақылаудағы жүктердің импорты

Қазақстан Республикасының аумағына эпизоотияға қатысты қолайлы басқа мемлекеттерден мемлекеттік ветеринариялық қадағалаудың бақылауындағы жүктерді мынадай талаптарды сақтай отырып әкелуге рұқсат етіледі:

1) уәкілетті орган белгілеген ветеринариялық (ветеринариялық-санитариялық) талаптарға сәйкес келген және ветеринариялық сертификатпен немесе ветеринариялық анықтамамен расталатын болған жағдайда;

2) тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат болған жағдайда.

Қазақстан Республикасынан бақылаудағы жүктердің экспорты

Бақыланатын жүктерді экспорттау үшін келесі құжаттар қажет:

1) тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат қағазы.

2) экспорт кезінде орны ауыстырылатын (тасымалданатын) объектілерге ветеринариялық сертификат.

«Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат беру» мемлекеттік көрсетілетін қызметі

Аталған мемлекеттік қызмет түрі Қазақстан Республикасы Ауыл шаруашылығы министрінің 2021 жылғы 19 сәуірдегі № 130 «Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат беру қағидаларын бекіту туралы" Қазақстан Республикасы Ауыл шаруашылығы министрінің 2014 жылғы 9 желтоқсандағы № 16-04/647 бұйрығына өзгерістер енгізу туралы» бұйрығына сәйкес ветеринария саласындағы уәкілетті органның ведомствосы - Қазақстан Республикасы Ауыл шаруашылығы министрлігінің Ветеринариялық бақылау және қадағалау Комитеті және оның аумақтық бөлімшелері арқылы көрсетіледі.

Мемлекеттік қызмет көрсетудің мерзімдері:

• Орны ауыстырылатын (тасымалданатын) объектілердің экспортына, импортына рұқсат – 4 (төрт) жұмыс күні.
• Орны ауыстырылатын (тасымалданатын) объектіні транзиттік тасымалдауға басқа мемлекеттердің қызметтерімен транзиттік келісуді талап ететін рұқсат – 30 (отыз) жұмыс күні.
• Орны ауыстырылатын (тасымалданатын) объектілердің транзитіне рұқсат – 3 (үш) жұмыс күні.

 Мемлекеттік қызмет көрсету нысаны

• Электрондық (жартылай автоматтандырылған)/қағаз түрінде.

Мемлекеттік қызмет көрсету үшін қажетті құжаттар тізбесі:

• Қазақстан Республикасы Ауыл шаруашылығы министрінің 2014 жылғы 9 желтоқсандағы № 16-04/647 бұйрығымен (Нормативтік құқықтық актілерді мемлекеттік тіркеу тізілімінде № 10254 болып тіркелген) бекітілген «Тиісті аумақтағы эпизоотиялық ахуалды бағалауды ескере отырып, орны ауыстырылатын (тасымалданатын) обьектілердің экспортына, импортына және транзитіне рұқсат беру қағидаларына» (бұдан әрі – Қағидалар) 3-қосымшаға сәйкес нысан бойынша көрсетілетін қызметті алушының электрондық цифрлық қолтаңбасымен куәландырылған электрондық құжат нысанындағы өтініш.
• Жеке тұлғаның жеке басын куәландыратын құжат туралы, заңды тұлғаны тіркеу (қайта тіркеу) туралы, дара кәсіпкерді тіркеу туралы не дара кәсіпкер ретінде қызметінің басталғаны туралы мәліметтерді көрсетілетін қызметті беруші «электрондық үкіметтің» шлюзі арқылы тиісті мемлекеттік ақпараттық жүйелерден алады.
• Көрсетілетін қызметті алушылардан ақпараттық жүйелерден алынуы мүмкін құжаттарды талап етуге жол берілмейді.

«Тиісті аумақтағы эпизоотиялық жағдайды бағалауды ескере отырып, орны ауыстырылатын (тасымалданатын) объектілердің экспортына, импортына және транзитіне рұқсат беру» мемлекеттік қызметі туралы толық ақпаратты Бөгенбай батыр көшесі, 6а, 3-қабат мекенжайы бойынша орналасқан ҚР АШМ ВБҚК Астана қаласы бойынша Аумақтық инспекциясынан біле аласыз; тел.: 56-17-26.

Экспорттау кезінде орны ауыстырылатын (тасымалданатын) объектілерге ветеринариялық сертификат беру

Аталған мемлекеттік қызмет көрсету Қазақстан Республикасы Ауыл шаруашылығы министрінің 2015 жылғы 21 мамырдағы № 7-1/453 «Ветеринариялық құжаттарды беру қағидаларын және олардың бланкілеріне қойылатын талаптарды бекіту туралы» бұйрығына сәйкес жүргізіледі.

Мемлекеттік қызмет көрсетудің мерзімдері:

• 2 (екі) жұмыс күні ішінде.
• Дайын сүт, май және балық өнімдеріне ветеринариялық сертификат беру кезінде – өтініш берген күні.

Мемлекеттік қызмет көрсету нысаны

• Электрондық (жартылай автоматтандырылған)/қағаз түрінде.

Мемлекеттік қызмет көрсету үшін қажетті құжаттар тізбесі:

«Терісі бағалы аңдар, иттер мен мысықтарды тасымалдау»

2 (екі) басқа дейін мысықтар мен иттерді Үшінші елдерден алып келу немесе алып кету кезінде мынадай ветеринариялық құжаттар талап етіледі:

• Жануарға халықаралық ветеринариялық паспорт
• Ветеринариялық сертификат (ҚР АШМ ВБжҚК Астана қаласы бойынша Аумақтық инспекциясы, Бөгенбай батыр 6А, 3-қабат; тел.: 56-17-26).

2 (екі) бастан жоғары мысықтар мен иттерді Үшінші елдерден алып келу немесе алып кету кезінде мынадай ветеринариялық құжаттар талап етіледі:

• Жоғарыда көрсетілген құжаттармен қоса талап етіледі: ҚР АШМ ВБжҚК рұқсаты (рұқсат ҚР АШМ ВБжҚК Астана қаласы бойынша Аумақтық инспекциясында 4 жұмыс күні ішінде беріледі және ресімделеді, Нұр-сұлтан қаласы, Бөгенбай батыр көшесі, 6а, тел: 56-17-26).

ЕАЭО елдеріне екі (2) басқа дейінгі мысықтар мен иттерді алып келу немесе алып кету кезінде мынадай ветеринариялық құжаттар талап етіледі::

• Вакцинация, дегельминтизация және паразитке қарсы өңдеу белгілері бар жануарға халықаралық ветеринариялық паспорт (ветеринариялық клиниканың мөрімен куәландырылған)..
• Аурулардың клиникалық көріністеріне теріс көрсеткіштері бар жануарды клиникалық тексеру туралы ветеринариялық анықтама (ветеринариялық клиниканың мөрімен куәландырылған).

Мысықтар мен иттерді ЕАЭО елдеріне алып келу немесе алып кету кезінде екі (2) бастан артық мынадай ветеринариялық құжаттар талап етіледі:

• Жоғарыда көрсетілген құжаттардан басқа талап етіледі: ветеринариялық сертификат (сертификат ҚР АШМ ВБжҚК Астана қаласы бойынша Аумақтық инспекциясында 2 жұмыс күні ішінде беріледі және ресімделеді, Нұр-сұлтан қаласы, Бөгенбай батыр көшесі, 6а, тел: 56-17-26).

«Экспорттау кезінде орны ауыстырылатын (тасымалданатын) объектілерге ветеринариялық сертификат беру» мемлекеттік қызметі туралы толық ақпаратты Бөгенбай батыр көшесі, 6а, 3-қабат мекенжайы бойынша орналасқан ҚР АШМ ВБҚК Астана қаласы бойынша Аумақтық инспекциясынан біле аласыз; тел.: 56-17-26.

Жұмыс кестесі:

Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбі-жұма, сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін.

Бақылаудағы жүктерді Қазақстан Республикасының аумағы арқылы транзиттік алып өту

Бақылаудағы жүктерді Қазақстан Республикасының аумағы арқылы транзиттік тасымалдау ветеринария саласындағы ынтымақтастық туралы халықаралық шарттарға сәйкес жүзеге асырылады.