Менталдық және аутистік ауытқушылықтары бар жолаушыларға қызмет көрсету
Аутистік спектрдің және ментальді бұзылуы бар жолаушыларға қызмет көрсету
«Нұрсұлтан Назарбаев халықаралық әуежайы» АҚ халықаралық стандарттар мен ұсынымдарға сәйкес аутистік спектрдің бұзылуы және ментальді бұзылуы бар жолаушыларға қызмет көрсету сапасын жақсарту мақсатында қолайлы жағдайлар жасауда. Еріп жүретін адаммен осы санаттағы жолаушыларға қызметтер тегін көрсетіледі.
Аутистік спектрдің бұзылуы және ментальді бұзылуы бар жолаушыларға аталмыш қызметті алу үшін әуе билетінде көрсетілген ұшу уақытынан 48 сағат бұрын өтінім беру қажет.
Аутистік спектрдің бұзылуы және ментальді бұзылуы бар жолаушымен бірге жүрген адам арнайы ланьярд алу үшін әуежайда орналасқан анықтама бюросына жүгіне алады.
Бұл ланьярд тіркеу, тексеру, әуе кемесінің бортына кезектен тыс отырғызу сынды рәсімдерден кезексіз өтуге мүмкіндік береді.
Қажет болған жағдайда аутистік спектрдің бұзылуы және ментальді бұзылуы бар жолаушы аэровокзал бойынша және әуе кемесіне дейін жүріп-тұру үшін мүгедектер арбасын, сондай-ақ ана мен бала бөлмесін пайдалана алады.
Бірыңғай байланыс орталығы
+7 (7172) 702-999
Медициналық қызмет көрсету қызметі
+7 (7172) 777-203
Ұялы телефон
+7 771 033 00 31 (тәулік бойы)
«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:
- Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
- Жазбаша (қағаз және (немесе) электрондық) нысанда берілген жолданымда, хаттамада:
- жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
- жолданым берілетін әкімшілік органның, лауазымды адамның атауы;
- жолданымның мәні;
- жолданымның берілген күні;
- арыз иесінің немесе оның өкілінің қолы;
- Қазақстан Республикасының заңнамасында көзделген өзге де мәліметтер көрсетіледі.
Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.
Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:
- қолма-қол;
- Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
- «eOtinish» бірыңғай өтініш беру платформасының сілтемесі бойынша: https://eotinish.kz.