Рейске тіркелу
Рейске тіркелу жайлы ақпарат
Тіркелу картада
Т1 терминалы - бірінші қабат, Т2 терминалы - екінші қабат
Жұмыс уақыты: тәулік бойыТіркелу туралы қысқаша ақпарат
Халықаралық бағыттар бойынша ұшатын жолаушылардың билеттерін тіркеу және жүктерін ресімдеу Терминал 1 (Т1) бірінші қабатында орналасқан 26–тіркеу орындарында, ішкі бағыттар бойынша Терминал 2 (Т2) екінші қабатында орналасқан 24-тіркеу орындарында жүргізіледі. Сондай-ақ, әрбір сервистік қызмет көрсететін VIP ХӘЖ (халықаралық рейстерге арналған), CIP ІӘЖ (ішкі рейстерге арналған) залдарында түрлі санаттағы жолаушыларды тіркейтін жеке тіркеу орындары бар.
Тіркеу процесі тіркеудің автоматты әдісі SITA DCS жүйесін қолдану және авиакомпаниялардың басқа да жүйелері арқылы жүзеге асырылады.
Халықаралық бағыттағы рейстерге тіркелу әдеттегідей ұшуға дейін 3 сағат бұрын басталады және ұшуға 40 минут қалғанда аяқталады. Ішкі бағыттағы рейстерге тіркелу ұшуға дейін 90 минут бұрын басталады және ұшуға 40 минут қалғанда аяқталады.
Белгіленген төлем жасау қажет нормадан асатын багажды, басқа багажды тегін алып өткені үшін тасымалдаушы белгілеген тариф бойынша төлем алынады. Осындай багажды тасымалдауға төлем жасау үшін жолаушы рейске тіркелген кезде авиакомпания өкіліне, ал өкіл болмаған жағдайда рейске тіркеуші агенттерге жүгіну қажет.
Жолаушылар билеттерін ресімдегеннен кейін отырғызу бақылауына өтеді, бұл да тіркеуден өткен барлық жолаушылардың әуе кемесіне отыруға өткендігін анықтайтын автоматты жүйенің көмегімен жүргізіледі.
НАЗАР АУДАРЫҢЫЗ: әуежай тыныш әуежай режимінде жұмыс істейді, осыған байланысты рейске тіркеу/отырғызу ашылғаны/жабылғаны туралы дыбыстық хабарландыру болмайды. Жолаушылар ұшып келу/ұшу залдарында орнатылған ақпараттық табло арқылы хабардар етіледі. Рейстердің өзгерістерін ақпараттық табло арқылы қадағалап отыруыңызды сұраймыз.
Сапарларыңыз сәтті болсын!
«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:
- Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
- Жазбаша (қағаз және (немесе) электрондық) нысанда берілген жолданымда, хаттамада:
- жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
- жолданым берілетін әкімшілік органның, лауазымды адамның атауы;
- жолданымның мәні;
- жолданымның берілген күні;
- арыз иесінің немесе оның өкілінің қолы;
- Қазақстан Республикасының заңнамасында көзделген өзге де мәліметтер көрсетіледі.
Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.
Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:
- қолма-қол;
- Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
- «eOtinish» бірыңғай өтініш беру платформасының сілтемесі бойынша: https://eotinish.kz.