Астана халықаралық әуежайында Астана – Ереван бағыты бойынша жаңа халықаралық рейс ашылды

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-04-20

Астана халықаралық әуежайында Астана – Ереван бағыты бойынша жаңа халықаралық рейс ашылды

Астана халықаралық әуежайында Shirak Avia әуе компаниясы орындайтын Астана – Ереван – Астана бағыты бойынша жаңа халықаралық рейстің ашылуына арналған салтанатты рәсім өтті.

Аталған рейс жолаушылар үшін көптен күткен бағыттардың бірі болды. Бұған дейін Қазақстаннан Ереванға жету үшін жолаушылар басқа қалалар арқылы ұшуға мәжбүр еді. Енді тікелей рейстің ашылуы жол жүру уақытын айтарлықтай қысқартып, сапарды әлдеқайда ыңғайлы етті.

Бұл бағыт әсіресе екі ел арасындағы диаспора өкілдері үшін маңызды.

Алғашқы кезеңде рейстер аптасына 1 рет — дүйсенбі күндері орындалады. Ал маусым айынан бастап рейстер жиілігін аптасына 2 ретке дейін — дүйсенбі және жұма күндері арттыру жоспарланып отыр.

Іс-шараға Армения Республикасының Қазақстандағы Төтенше және Өкілетті Елшісі қатысып, жаңа рейстің іске қосылуы екі ел арасындағы байланыстарды нығайтуға ықпал ететінін атап өтті.

Жаңа бағыттың ашылуы туристік және іскерлік байланыстарды дамытуға, сондай-ақ Қазақстан мен Армения арасындағы мәдени және гуманитарлық ынтымақтастықты кеңейтуге бағытталған. Сонымен қатар жаңа рейс жолаушыларға ыңғайлы тікелей қатынасты қамтамасыз етіп қана қоймай, Астана арқылы транзиттік тасымалдарды дамытуға қосымша мүмкіндіктер береді.

«Астана мен Ереван арасындағы тікелей рейстің ашылуы — екі ел арасындағы достық қатынастарды нығайтудағы және түрлі салалардағы ынтымақтастықты дамытудағы маңызды қадам», — деп атап өтті Армения Республикасының Қазақстандағы Төтенше және Өкілетті Елшісі Армен Вачикович Гевондян.

Жаңа бағыттың іске қосылуы әуежайдың халықаралық маршруттық желісін дамытудағы маңызды қадам болып, Қазақстан мен Армения арасындағы ынтымақтастықты одан әрі нығайта түседі.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.