Астана халықаралық әуежайына Centrum Air жаңа әуе компаниясының алғашқы рейсі келіп қонды

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-03-29

Астана халықаралық әуежайына Centrum Air жаңа әуе компаниясының алғашқы рейсі келіп қонды

Астана халықаралық әуежайында Өзбекстанның Centrum Air әуе компаниясының Ташкент – Астана – Ташкент бағыты бойынша жаңа тұрақты рейстерінің ашылуына арналған салтанатты іс-шара өтті.

Іс-шараға Қазақстан Республикасы Көлік министрлігі Азаматтық авиация комитетінің халықаралық әуе қатынасын реттеу басқармасының басшысы Акилбеков Аскар Акилбекович, сондай-ақ Өзбекстан Республикасының Қазақстандағы Елшілігінің консулы Сайдахмедов Ализод Артықалиевич және кеңесшісі Калназаров Ұлықбек Азатович қатысты. Сонымен қатар, «Нұрсұлтан Назарбаев халықаралық әуежайы» АҚ инфрақұрылымдық қамтамасыз ету жөніндегі басқарма төрағасының орынбасары Асқар Искуҗин Сандыбекович сөз сөйледі.

Қатысушылар өз сөздерінде жаңа бағыттың ашылуы Қазақстан мен Өзбекстан арасындағы әуе қатынасын кеңейтіп, іскерлік, туристік және мәдени байланыстарды дамытудағы маңызды қадам екенін атап өтті.

Centrum Air әуе компаниясы Ташкент – Астана – Ташкент бағыты бойынша рейстерді аптасына үш рет — дүйсенбі, жұма және жексенбі күндері орындайды. Ұшулар заманауи Airbus A320 және А321 әуе кемелерімен жүзеге асырылады, ал ұшу уақыты шамамен 2 сағатты құрайды.

Жаңа бағыттың іске қосылуы жолаушыларға қолжетімді әрі ыңғайлы әуе қатынасын ұсына отырып, екі ел астаналары арасындағы байланысты жаңа деңгейге көтереді.

Астана — Орталық Азиядағы жетекші саяси және іскерлік орталықтардың бірі болса, Ташкент — өңірдегі ірі экономикалық және мәдени мегаполис ретінде маңызды авиациялық хаб саналады.

Centrum Air халықаралық маршруттық желісін кеңейтуді жалғастыра отырып, Орталық Азия елдері арасындағы ынтымақтастықты нығайтуға үлес қосуда.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.