Көлік министрі елорда әуежайының жұмыс барысымен танысты

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2026-01-24

Көлік министрі елорда әуежайының жұмыс барысымен танысты

Бүгін, 24 қаңтар күні, Қазақстан Республикасының Көлік министрі Нұрлан Сауранбаев жұмыс сапарымен Астана халықаралық әуежайына келді. Сапар барысында министр әуежайдың операциялық қызметімен танысып, сондай-ақ халықаралық рейстерге қызмет көрсету үдерістерінің негізгі бағыттары туралы ақпарат алды.

Министрдің сапары қарсаңында, 23 қаңтар күні сағат 19:40-тан 24 қаңтар күні сағат 05:00-ге дейінгі аралықта Астана әуежайында халықаралық рейстермен келетін жолаушылардың паспорттық бақылаудан өтуі және багаж алу уақытына қатысты хронометраж жүргізілді.

Хронометраж нәтижелері бойынша:

бір халықаралық рейс жолаушыларының паспорттық бақылаудан өтуінің орташа уақыты 14 минут 38 секундты құрады;
бірнеше рейске бір мезгілде қызмет көрсетілген жағдайда, бұл уақыт орта есеппен 20 минутқа ұлғаяды, бұл белгіленген нормативтерге сәйкес келеді;
бір халықаралық рейстің багажды беру бойынша орташа уақыты 27 минут 23 секундты құрады.

Тіркелген барлық көрсеткіштер рұқсат етілген нормалар мен қолданыстағы регламенттік талаптарға сәйкес келеді.

Сапар аясында Көлік министрі Q-gate автоматтандырылған шекаралық бақылау жүйелерінің жұмысымен де танысты. Бір жолаушыны танудың орташа уақыты 10–12 секундты құрайды, бұл сыйымдылығы 300 адамға дейінгі бір әуе кемесінің жолаушыларын 20–30 минут ішінде өткізуге мүмкіндік береді.

Сонымен қатар, Астана халықаралық әуежайы Басқарма төрағасы Бекен Сейдахметов Көлік министріне әуежайды дамыту тұжырымдамасын, оның ішінде екінші ұшу-қону жолағын салу және әуежай маңында кешенді қалалық экожүйе — аэротрополис қалыптастыру жоспарларын таныстырды.

Әуежай инфрақұрылымын дамыту Астанада өңірдің негізгі авиациялық хабын қалыптастыруға және халықаралық стандарттарға сәйкес жолаушыларға қызмет көрсету сапасын арттыруға бағытталған.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.