Астана әуежайы қауіпсіздік көрсеткіштерін жақсартып, Turkish Airlines желісіндегі әлемдік ТОП-15 станция қатарына кірді

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2025-12-04

Астана әуежайы қауіпсіздік көрсеткіштерін жақсартып, Turkish Airlines желісіндегі әлемдік ТОП-15 станция қатарына кірді

Бүгін Turkish Airlines авиакомпаниясының өкілдері «Нұрсұлтан Назарбаев» халықаралық әуежайына жұмыс сапарымен келіп, астаналық станцияның авиациялық қауіпсіздік пен жолаушыларға қызмет көрсету сапасы бағытында елеулі прогреске қол жеткізгенін атап өтті.

Авиакомпания ұсынған мәліметтерге сәйкес, Астана станциясы Turkish Airlines-тің әлем бойынша 282 станциясының ішінде әуе кемелеріне қызмет көрсету барысындағы жалпы қауіпсіздік деңгейі бойынша ТОП-15 қатарына енді. Үшінші тоқсан қорытындысы бойынша Safety Score көрсеткіші 91%-ды құрап, халықаралық стандарттар мен корпоративтік рәсімдердің жоғары деңгейде сақталатынын көрсетті.

Сонымен қатар, өткен жылмен салыстырғанда ұшу пунктуалдылығы 10 пунктке жақсарғаны, ал жолаушылардың қанағаттану деңгейі 90%-дан асқаны атап өтілді. Бұл — жерүсті қызметі мамандарының тиімді әрі үйлесімді жұмысының айқын көрсеткіші.

Сапар барысында Turkish Airlines компаниясы әуежай қызметкерлеріне – арнайы техника жүргізушілеріне, рамп-агенттерге, клининг тобына және аэродромдық қызмет инженерлеріне – кәсібилігі мен қауіпсіз операцияларға қосқан үлесі үшін алғысын білдірді.

Алғыс белгісі ретінде авиакомпания жерүсті қызметі қызметкерлері арасында Астана–Стамбул–Астана бағыты бойынша 10 әуе билетін ұсынды.

Қосымша бір билет мамыр айында контейнердің Turkish Airlines әуе кемесімен соқтығысуының алдын алған әуежай жүргізушісіне табысталды.

Әуежай басшылығы жетекші әлемдік тасымалдаушылардың бірі тарапынан берілген бұл жоғары баға Астананың сенімді серіктес ретіндегі позициясын нығайтып, сервис сапасы мен операциялық тиімділікті одан әрі арттыруға серпін беретінін атап өтті.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.