Нұрсұлтан Назарбаев халықаралық әуежайында ұшу-қону жолағындағы жөндеу жұмыстары аяқталуда

Баспасөз-орталығы

Сұрыптау

2018

2017

2019

2020

2021

2022

2023

2024

2025

2026

Жарнамаға арналған орын
250x250

2025-10-30

Нұрсұлтан Назарбаев халықаралық әуежайында ұшу-қону жолағындағы жөндеу жұмыстары аяқталуда

2025 жылғы 31 қазанда Нұрсұлтан Назарбаев халықаралық әуежайының ұшу-қону жолағында жүргізілген жоспарлы жөндеу жұмыстарының кезеңі аяқталады. Жөндеу жұмыстары белгіленген мерзімде орындалып, аэродром инфрақұрылымының пайдалану сенімділігін сақтау мен ұшу қауіпсіздігін қамтамасыз етуге бағытталды.

Жөндеу кезеңінде сағат 10:00-ден 18:00-ге дейін әуе кемелерін қабылдауға уақытша шектеулер енгізілді. Соған қарамастан, әуежай барлық жоспарланған рейстердің орындалуын қамтамасыз етті. Рейстер кестесі ұшу слоттарын қайта бөлу және кешкі, түнгі уақыттағы қызмет көрсетуді оңтайландыру есебінен бейімделді.

Жөндеу жұмыстарының қорытындысы бойынша әуежай өндірістік көрсеткіштердің тұрақтылығын сақтап қалды. 2025 жылғы қыркүйек айында 2 969 рейс келіп, 2 972 рейс ұшып шықты. Бұл көрсеткіштер 2024 жылғы қыркүйекпен салыстырғанда жоғары (ол кезде 2 733 келу және 2 761 ұшу тіркелген). 2025 жылғы қазан айында (28 қазанға дейінгі дерек бойынша) 2 657 рейс келіп, 2 676 рейс ұшып шықты, бұл 2024 жылғы қазан айындағы көрсеткіштермен шамалас (2 745 келу және 2 750 ұшу).

Жөндеу жұмыстарына байланысты рейстердің тоқтатылуына жол берілген жоқ. Барлық ұшулар әуе компанияларымен және аэронавигация органдарымен келісімде орындалды.

2025 жылғы 1 қарашадан бастап Нұрсұлтан Назарбаев халықаралық әуежайы қалыпты жұмыс режиміне қайта оралады. Күнделікті кестеге көшу нәтижесінде:
• рейстердің тәулік ішіндегі бөлінісі қалыпқа келеді;
• тіркеу және ұшуға дейінгі тексеру аймақтарындағы кезектер азаяды;
• түнгі рейстерге түсетін жүктеме төмендейді;
• жолаушыларды қызмет көрсету жылдамдығы мен жайлылығы артады.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.