Астана халықаралық әуежайы ISAGO аудитінің халықаралық сертификатына ие болды

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2024-03-14

Астана халықаралық әуежайы ISAGO аудитінің халықаралық сертификатына ие болды

«Нұрсұлтан Назарбаев халықаралық әуежайы» АҚ жерүсті қызмет көрсету қауіпсіздігі бойынша алғашқы халықаралық аудитінен (ISAGO) сәтті өтті. Соның арқасында елорда әуежайы Қазақстандағы ISAGO сертификаты бар жалғыз әуежайға айналды.

Халықаралық әуе көлігі қауымдастығының (IATA) аудиторлары былтыр әуежайда жерүсті қызмет көрсету процедураларын тексерді. Қауымдастық берген сертификат әуежайдың қауіпсіздік, жерүсті қызмет көрсету бойынша халықаралық стандарттарға сәйкес келетінін көрсетті.

Халықаралық аудит былтыр 2-6 қазан аралығында жүргізілді. Онда елорда әуежайы авиакомпаниялар мен жолаушыларға қызмет көрсетудің 6 бөлімі бойынша тексерістен өтті. Олар ORM (ұйымдастыру және басқару); LOD (жүктеуге бақылау); PAB( жолаушылар мен багажға қызмет көрсету); HDL (жердегі әуе кемесіне қызмет көрсету); AGM (әуе кемесінің жердегі қозғалысы) және CGM (жүк пен поштаға қызмет көрсету). Аудит талаптары 277 пункттен тұрды, әуежай барлық пункт бойынша ола "өте жақсы" деген баға алды.

Аудитке Астана халықаралық әуежайының сапаны бақылау бөлімі, әуе кемесіне сервистік қызмет көрсету бөлімшесі, тасымалдауды ұйымдастыру қызметі, жерүсті көлік бөлімшесі, перрондағы тасымалдаушылар бөлімшесі, ұшу қауіпсіздігі инспекциясы, авиациялық қауіпсіздік қызметі, ұшу кезіндегі өртке қарсы және авариялық – құтқаруды қамтамасыз ету қызметі, оқу орталығы және басқалар қатысты.

ISAGO аудитінің сертификаты әуежайдағы жерүсті қызмет көрсетудің жоғары деңгейін, жазатайым оқиғалардың алдын алу, қызмет көрсету сапасын қамтамасыз етудің жоғары деңгейде екенін айғақтайды.

Астана халықаралық әуежайының баспасөз қызметі

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.