Астана әуежайының ұшу-қону жолағындағы жөндеу жұмыстары аяқталуға таяу

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-07-28

Астана әуежайының ұшу-қону жолағындағы жөндеу жұмыстары аяқталуға таяу

Астана халықаралық әуежайындағы ұшу-қону жолағының ағымдағы жөндеу жұмыстары 70 пайызға аяқталды. Осыған дейін атқарылған жұмыс нәтижесі мен жүргізіліп жатқан жөндеу жұмыстарының барысын Басқарма Төрағасы Ерғазы Жолдасов пен орынбасарлары бақылады.

Әуежайдың ұшу-қону жолағындағы жөндеу жұмыстары 15-шілдеде басталып, 8-тамызда аяқтау жоспарланған. Қазіргі таңда жөндеу жұмысына отыздан астам қызметкер жұмылдырылды. Ұшу-қону жолағының 3 мыңнан астам шаршы метріне ыстық асфальт-бетон қоспасы құйылды. Сондай-ақ жолақтағы таңбалау жұмыстарының тең жартысы аяқталды.

Ұшу-қону жолағын жөндеу кезінде жарықтандыру құрылғыларын ауыстыру да жоспарланған. Қону аймағындағы 23 дана тереңдік шамдары мен орталық сызық шамдары ауыстырылды.

Әуежай жолағының ағымдағы жөндеу жұмысына байланысты күндізгі 11:00 мен 18:00 аралығында ұшу-қону жолағы жабық. Осыған орай ішкі және халықаралық рейстер кестесіне өзгеріс енді. Алайда жүргізіліп жатқан жөндеу жұмыстары рейстердің орындалуына еш кедіргі туғызған жоқ. Жөндеу жұмыстары басталғалы Астана халықаралық әуейжайынан 685 ішкі және 385 халықаралық рейс орындалды.

«Жолаушылардың қауіпсіз ұшуы мен қонуын қамтамасыз ету мақсатында басталған ағымдағы жөндеу жұмысы сапалы жүріп жатыр. Жөндеудің сапалы әрі уақытылы аяқталуы біздің жіті бақылауымызда. Астана халықаралық әуежайы – тек еліміздегі емес, Орталық Азиядағы ең ірі әуежайлардың бірі. Сондықтан мұнда ішкі және халықаралық рейстердің саны көп. Тиісінше ұшу-қону жолағы да уақытылы жөндеуді қажет етеді», - деді Астана халықаралық әуежайы Басқарма төрағасы Ерғазы Жолдасов.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.