Астана әуежайы жолаушыларды багаж жинау барысында мұқият болуға шақырады

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-06-02

Астана әуежайы жолаушыларды багаж жинау барысында мұқият болуға шақырады

Елордадағы әуе айлағының баспасөз қызметі жолаушыларды багаж жинау барысында мұқият болуға шақырады

Осы жылдың 3 айында Астана халықаралық әуежайы 660 мыңға жуық жолаушыға қызмет көрсеткен. Бұл ретте әуе айлағының авиациялық қауіпсіздік қызметі жолаушыларды тексеру кезінде 5177 тыйым салынған зат тәркіледі. Оның ішінде, 124 бірлік суық және газ қаруы, 66 бұрыш қосылған спрей мен электрошокер, 7 кастет, қару тектес 582 зат, 65 оқ-дәрі, 44 жарылғыш зат, 24 улы, коррозиялық және басқа да заттар бар. Сондай-ақ жолаушылардан 72.8 литр тез тұтанатын сұйықтықтар және әуе кемелерінде тасымалдауға шектелген 4264 ықтимал қауіпті зат табылды. Көбінесе бұл балға, балта, тесу және кесуге арналған құралдар.

Бұдан басқа багажда және қол жүгінде декларацияланбаған ірі ақша сомаларын алып жүру жағдайлары анықталып, ҰҚК және ҚР ҚМ МКК уәкілетті қызметтеріне жіберілді.

2022 жылы елордалық әуе айлағы өз тарихында алғаш рет 6 млн жолаушыға қызмет көрсеткенін естеріңізге сала кетейік. Өз кезегінде қауіпсіздік қызметі жолаушылардан 2 мыңнан астам атыс қаруы мен 67 780 оқ-дәріні тәркілеген.

Әуе көлігінің ерекшеліктеріне байланысты жолаушылар авиатасымалдарында қауіпсіздік мәселесіне көбірек көңіл бөлінеді. Ұшу қауіпсіздігін қамтамасыз ету жөніндегі міндетті іс-шаралар кешені экипаж бен жолаушыларға қауіп немесе зорлық-зомбылық құралы ретінде пайдаланылуы мүмкін тыйым салынған заттары бар адамдардың бортқа кіруіне жол бермеуге бағытталған.

Жолаушылардың қауіпсіздігі мен жайлылығын қамтамасыз ету үшін әлемдік тәжірибеге сәйкес жолаушыларды, қол жүгі мен багажды қолмен іріктеп тексеру жүргізіледі.

Қазақстанның авиациялық қауіпсіздік қағидалары әрбір рейс жолаушыларының жалпы санының кемінде 10 пайызын мұқият тексеріп шығуды талап етеді. Бұл ICAO халықаралық қауіпсіздік стандарттарында да қарастырылған.

Сондықтан Астана әуежайында 2015 жылдан бастап рандомайзер функциясы бар аркалы металл іздегіштер пайдаланылады. Аталған құрылғылар жолаушылардың 10%-ын автоматты түрде және кездейсоқ тәртіппен таңдайды.

Егер құрылғы тексеру барысында сигнал берсе, жолаушы рентген-теледидар қондырғысы арқылы жеке тексеру үшін аяқ киімін (құрамында металл заттар болмаса да) шешіп, тексеруден өтуі керек. Сонымен қатар тексеру қызметкерлері жолаушының қол жүгін мұқият тексеріп, әр затты тексеруге міндетті.

Осыған байланысты жолаушылар барынша түсіністік танытып, әуежай инспекторларының заңды талаптарын орындаулары қажет. Тексеруден жалтарған жолаушылар «Қазақстан Республикасының әуе кеңістігін пайдалану және авиация қызметі туралы» Заңға сәйкес тасымалдауға жіберілмейді.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.