SITA-мен ынтымақтастық туралы құжатқа Амстердам қаласындағы Рassenger Тerminal Expo 2023 көрмесінде қол қойылды

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-03-20

SITA-мен ынтымақтастық туралы құжатқа Амстердам қаласындағы Рassenger Тerminal Expo 2023 көрмесінде қол қойылды

Келісім пайдалану шығындарын төмендететін және елордалық әуежай клиенттеріне қызмет көрсетудің жаңа деңгейін ұсынатын жаңа IT-жүйелерді әзірлеуді және енгізуді көздейді. Атап айтқанда, жолаушыларға ыңғайлы болу үшін SITA әуежайдағы бақылау пункттерінен кедергісіз өту жүйесін ұсынуға дайын. Оның жұмысы бет биометриясын тану технологиясына негізделген. Отырғызу талонының орнына Face ID пайдалану тіркеуден рейске отыруға дейінгі жолды жылдамдатады, сонымен қатар жолаушылардың жайлылығы мен қауіпсіздігін арттырады, өйткені терминал қызметкерлерімен байланыс азаяды. Тағы бір жүйе - SITA Airport Management – өндірістік процестерді болжауды және әуежай қызметтерінің жұмысын бақылауды жақсартуға көмектеседі. Сонымен қатар, бұл әуе кемелеріне қызмет көрсету операцияларын, сонымен қатар материалдық және еңбек ресурстарын бөлуді оңтайландыруға мүмкіндік береді. SITA Airport Management енгізілген әуежайларда өндіріс шығындарының 15-20% - ға төмендеуіне, сондай-ақ рейстердің кешігуі үшін артық себептердің айтарлықтай төмендеуіне қол жеткізілуде. «Астана әуежайы қазақстандық авиатасымалдар нарығының қарқынды дамып келе жатқан әлеуетін қолдау үшін ірі даму бағдарламасын жеделдетуде. Біз 2023 жылды цифрландыру жылы деп жарияладық, өйткені жаңа технологиялар осы жылдам өсуге және тұтынушыларымызға ең жақсы қызмет көрсетуге ықпал ететін негізгі фактор болып табылады деп сенеміз. Біз өңірдегі цифрлық бастамалардың ізашары болуға көмектесетін SITA-мен ынтымақтасуға қуаныштымыз», - деп атап өтті келісімге қол қою рәсімі барысында «Нұрсұлтан Назарбаев халықаралық әуежайы» АҚ Басқарма төрағасы Дәулет Хамзин. Еуропадағы SITA Президенті Серхио Колелла Қазақстан астанасының әуежайы әуежай қызметін цифрландыру саласында көш бастап тұрғанын растап, өзін өңірдегі жетекші әуежайлардың бірі ретінде көрсете бастағанын атап өтті.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.