Алдағы екі-үш жылда елордалық әуежайдың инфрақұрылымында ауқымды өзгерістер орын алады

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-02-03

Алдағы екі-үш жылда елордалық әуежайдың инфрақұрылымында ауқымды өзгерістер орын алады

Астаналық әуе айлағының басшылығы инфрақұрылымға тартылатын инвестиция көлемін ұлғайтып отыр. Мәселен, өткен жылы ұшу-қону жолағына ағымдағы жөндеу жұмыстары жүргізіліп, шамамен 460 бірлік жабдық пен 44 бірлік техника, атап айтқанда жаңа деайсерлер, жанармай құюға арналған және әуеайлақты жинау машиналары сатып алынған.

Жалпы алдағы екі-үш жылда әуежайдың инфрақұрылымында ауқымды өзгерістер орын алады деп күтілуде.

«Бүгінгі таңда біз инфрақұрылымға құйылатын инвестициялар көлемін ұлғайтып отырмыз. Жолаушыларға қызмет көрсету сервисіне де жаңашылдықтар енгізілді. Мысалы, Fly Arystan компаниясымен бірлесіп қызмет көрсетудің жаңа жүйесі іске қосылып, нәтижесінде жолаушылар багаждарын өз бетінше, яғни агенттің көмегінсіз-ақ ресімдей алады. Биыл барлық басқа авиакомпанияның қатысуымен сервисті одан әрі кеңейтуді жоспарлап отырмыз», деп атап өтті «Нұрсұлтан Назарбаев халықаралық әуежайы» АҚ Басқарма төрағасы Дәулет Хамзин.

Сонымен қатар соңғы уақытта елордалық әуежайда терминал ішінде қандай да бір жанасуды болдырмайтын цифрлық қызмет көрсету сервисі дамып келеді. Өз кезегінде аталған жаңа қызметтер мен автоматтандыру үрдісі жылдан жылға артып келе жатқан жолаушылар ағынына сапалы қызмет көрсетуге мүмкіндік береді.

Естеріңізге сала кетейік, әуе айлағының инфрақұрылымына енгізілетін өзгерістер Мастер-жоспар шеңберінде жүргізілетін болады. Аталған жоспар жер учаскелерін кезең-кезеңімен жоспарлау мен пайдалануды, жаңа инфрақұрылым объектілерінің құрылысын, параметрлері мен технологиялық схемаларын, сондай-ақ қажетті ресурстарды қамтиды. Сондай-ақ әуежай жұмысының басым бағыттарының бірі жүк инфрақұрылымын дамыту және жүк терминалдарын кеңейту болады.

Әуе тасымалы қарқындылығының артуы мен елордалық әуежайды дамыту жоспарларына байланысты әуе айлағының басшылығы әуеайлақ учаскесін қайта құру қажеттілігі туралы айтады. Осы ретте Астана әуежайы екінші ұшу-қону жолағын салуды жоспарлап отыр.

Бүгінгі таңда ішкі және халықаралық рейстер қалпына келтірілгенін атап өткен жөн. Сондай-ақ ҚР Индустрия және инфрақұрылымдық даму министрлігінің бастамасымен жаңа бағыттарды ашу бойынша жұмыстар жалғасуда.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.