2022 жылдың қорытындысы бойынша елорда әуежайы 5,3 млрд теңге таза табысқа қол жеткізді

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2023-01-31

2022 жылдың қорытындысы бойынша елорда әуежайы 5,3 млрд теңге таза табысқа қол жеткізді

Астана әуежайы өткен 2022 жылды қорытындылап, алдағы жоспарларымен бөлісті. «Нұрсұлтан Назарбаев халықаралық әуежайы» АҚ Басқарма төрағасы Дәулет Хамзиннің айтуынша, жыл қорытындысы қаржылық көрсеткіштер жағынан да, өндірістік көрсеткіштер бойынша да оң нәтиже беріп отыр.

Мәселен, елордалық әуе айлағы соңғы 5 жылда алғаш рет операциялық және таза пайдаға шықты, ал бір жылдағы жалпы табыс 100 млрд теңгеден асты. Егер жалпы операциялық пайда шамамен 25 млрд теңгені құраса, таза табыс көлемі 5,3 млрд теңге шамасында болды.

Ішкі тасымалдау барысындағы белсенділіктің артуының нәтижесінде әуежай өткен жылы алғаш рет алты миллион жолаушыға қызмет көрсеткен. Бұл сан рекордтық көрсеткішке жетті. Жалпы, өткен жылдың қорытындысы бойынша 2021 жылға қатысты 24 пайызға және 2019 жылға қатысты 30%-ға өсім байқалады.

Халықаралық рейстер туралы айтар болсақ, рейстер пандемияға дейінгі кезең деңгейіне дейін қалпына келгенін атап өткен жөн. Өткен жылы әуежай әкімшілігімен 5 жаңа авиакомпания жұмысқа тартылып, жаңадан 6 авиамаршрут ашылған болатын. Сонымен қатар Turkish Airlines Стамбулға тасымалдайтын рейстер санын 3 есеге арттырды, ал оның еншілес кәсіпорны AnadoluJet Анкара қаласына рейстер ашты.

«Жақын арада жаңа әуе рейстері ашылады. Біз 2023 жылы Neos және Air Asia сияқты ірі компаниялар қатарымызға қосылады деген сенімдеміз. Үнді авиакомпаниялары да үлкен қызығушылық танытып отыр. Индустрия және инфрақұрылымдық даму министрлігінің қолдауымен Qatar Airways компаниясымен келіссөздер жүргізілді. Air Asia және WizzAir авиакомпаниялары да Астанада тұрақтау туралы шешім қабылдайды деп күтеміз», деп атап өтті халықаралық әуежайдың басшысы Дәулет Хамзин.

Елордалық әуе айлағының басшылығы жүк компанияларымен де белсенді келіссөздер жүргізіп отырғанын да айта кеткен жөн. Осылайша, өткен жылы еуропалық тасымалдаушылардың бірі елордалық әуежайға бірнеше әуе кемесін ауыстырған еді. Қазір халықаралық әуежайда АэроТранс Карго, ASL Airlines және Challenge Airlines сынды 3 жүк тасымалдаушы орналасқан. Биыл Turkish Cargo, Cargolux және Air Belgium Cargo сияқты компаниялар келеді деп күтілуде.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.