Елордалық әуежайдың 2050 жылға дейінгі даму жоспары таныстырылды

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2022-11-23

Елордалық әуежайдың 2050 жылға дейінгі даму жоспары таныстырылды

Нұрсұлтан Назарбаев халықаралық әуежайында әуе айлақты дамытудың 2050 жылға дейінгі бас жоспарын әзірлеу жөніндегі жобаның тұжырымдамасы таныстырылды.

Кеңеске ҚР ИИДМ Азаматтық авиация комитетінің төрағасы Талғат Ластаев, «Нұрсұлтан Назарбаев халықаралық әуежайы» АҚ Басқарма төрағасы Дәулет Хамзин және жоба авторлары болып табылатын ИАТА халықаралық әуе көлігі қауымдастығының өкілдері Алехандро Ривера Гил, Луис Сид Фуэнтес, Руслан Зарин және Сергей Балонусков қатысты.

«Нұрсұлтан Назарбаев халықаралық әуежайы» АҚ Басқарма төрағасы Дәулет Хамзин жоба авторлары ИАТА халықаралық әуе көлігі қауымдастығына атқарылған жұмыстар үшін алғыс білдірді. Ол жобаның жақын арада толық дайын болатынын атап өтті.

«Бас жоспар жер учаскелерін пайдалануды, құрылысты, инфрақұрылымның жаңа объектілерінің параметрлері мен технологиялық схемаларын, атап айтқанда екінші ұшу-қону жолағы, перрон, терминалдар, ангарлар, бокстарды, сондай-ақ арнайы техника мен персонал сынды маңызды ресурстарды кезең-кезеңмен жоспарлауды қамтиды. Осы жоспар негізінде болашақта компанияны дамытудың ұзақ мерзімді бизнес-жоспары әзірленетін болады», – деді Дәулет Хамзин өз сөзінде.

Халықаралық әуе көлігі қауымдастығының жоба менеджері ИАТА Алехандро Ривера Гил жобаның жеті айдан астам уақыт бойы жасалғанын және құжатты әзірлеу кезінде қандай факторлар ескерілгенін айтты.

«Біз бұл жобаны жеті ай бұрын бастадық. Маңызды бағыттардың бірі – жобаны әзірлеу кезінде Қазақстанның барлық мемлекеттік органымен өзара іс-қимыл жасау. Ауқымды және жан-жақты жұмыс атқарылды. Сонымен қатар бас жоспардың сызбалары да ұсынылады. Құжатты әзірлеу кезінде біз бірнеше факторларды қарастырдық. Бұл инфрақұрылым, тұрақ орындары, жолаушылар үшін қолайлы жағдай жасау және әуежайдың қалаға жақын орналасуы», – деді Алехандро Ривера Гил.

Бас жоспарды іске асыру әуежай инфрақұрылымына жеке инвестицияларды тартудың драйвері болатынын естеріңізге сала кетейік. Атап айтқанда, әзірленген даму тұжырымдамасы арнайы экономикалық аймақты, мультимодальды жүк тасымалдау орталығын, Е-commerce қызмет көрсету орталығын, әуе кемелеріне техникалық қызмет көрсету орталығын және әуе персоналын даярлау жөніндегі оқу орталығын қамтитын әуежай-ситиді құруға мүмкіндік береді.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.