2022 жылдың бірінші жартыжылдығының қорытындысы бойынша елорда әуежайының таза табысы 1,6 млрд теңгені құрады

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2022-09-19

2022 жылдың бірінші жартыжылдығының қорытындысы бойынша елорда әуежайының таза табысы 1,6 млрд теңгені құрады

Бұл туралы әуе айлағын дамыту тұжырымдамасының таныстырылымында «Нұрсұлтан Назарбаев халықаралық әуежайы» АҚ Басқарма төрағасының бірінші орынбасары Дәулет Хамзин хабарлады.

«Жаңа стратегияның нәтижесінде өндірістік тұрғыда жақсы көрсеткіштерге қол жеткізілді. Биыл бірінші жартыжылдықтағы таза табыс 1,6 млрд теңгені құрады. Өткен жылы біз 4,8 млн жолаушыға қызмет көрсеттік, ал 2022 жылдың қаңтар-тамыз айларында жолаушылар ағыны 3,5 миллионнан асты. Жылдың соңына қарай бұл көрсеткіш 5,3 миллионға жетіп, табыс 68 млрд теңге деңгейінде болады деп күтілуде. Бұл өткен жылмен салыстырғанда 15,8 пайызға жоғары болмақ», – деді Астана қаласындағы әуежайдың өкілі.

Әуежайда шығындарды оңтайландыру және қосымша кіріс түрлерін дамыту арқылы табыстың ұлғаюына қол жеткізілген. Локдаун кезінде қаржылай тұрақтылықты сақтау үшін операциялық шығындар қысқартылып, тұрақты транзиттік жүк авиарейстерінің үлкен көлемін тарту мақсатында айтарлықтай күш-жігер жұмсалған. Осылайша, елдер арасындағы шекаралардың жабылуы кезеңінде көптеген шетелдік авиакомпаниялар Астана әуежайын Еуропадан Азияға транзиттік аялдама ретінде пайдалана бастады.

«Қазіргі таңда мультимодальдық және транзиттік жүк тасымалдарына басымдық беру дұрыс шешім болғанын көріп отырмыз. 2021-2022 жылдардағы кірістің шамамен 70%-ы әуежайдың транзиттік жүк рейстеріне қызмет көрсетуге қайта бағдарлануы есебінен алынған. Әуежай алғаш рет операциялық пайдаға шығып, несие берушілер алдындағы барлық міндеттемені орындады», – деп толықтырды Хамзин.

Алынған кірістер есебінен кәсіпорын дефолттан құтылып, тарифтерді көтермей-ақ дағдарыс кезеңінен шықты. Бұл өз кезегінде отандық авиакомпанияларға қатысты жүктемені азайтты. Сонымен қатар локдаунға қарамастан, аталған әуежай мен оның Көкшетау қаласындағы филиалының 2 мыңнан астам қызметкері жұмыс орындарын сақтап қалды. Кәсіпорын қызметкерлер алдындағы барлық әлеуметтік міндетті толық көлемде өтеп, ең төменгі жалақы көлемін 40%-ға арттырды.

Жұмыс барысындағы басымдықтарды қайта қарау нәтижесінде әуе айлағының одан әрі дамуы үшін жағдай жасалды. Бүгінгі таңда күзгі-қысқы навигация жұмыстарына дайындық жүргізілуде. Кез-келген ауа-райы жағдайында үздіксіз жұмыс істеу мақсатында қар жинайтын 5 заманауи машина сатып алынды. Олар ұшу-қону жолағы мен перронды тазартуды едәуір жылдамдатады.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.