Елордалық әуежай мұрағаттық фотосуреттерді көрсетті

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2021-12-01

Елордалық әуежай мұрағаттық фотосуреттерді көрсетті

Бүгін, Қазақстан Республикасының Тұңғыш Президенті күні «Нұрсұлтан Назарбаев Халықаралық әуежайы» АҚ-на 90 жыл толды. Бұл күні, 1931 жылғы 1 желтоқсанда Семей мен Ақмола арасында тұрақты әуе қатынасы басталды (кәсіпорынның құрылған күні). Осы күнге орай, елорда әуежайы мерекелік күнге дейін арнайы жарияланған фотоальбомға енген терминалдардың құрылысы тарихынан мұрағаттық фотосуреттерді көрсетті.

Бүгін, 90 жылдан кейін, таңғы рейспен елордадан «Нұр-Сұлтан – Семей» бағыты бойынша әуе кемесі ұшып шықты, жолаушылар салтанатты жағдайда оркестрдің әуенімен тіркеуден өтті.

Сондай-ақ мерейтойлық іс-шаралар аясында Халық банкпен бірлесіп, әуежай дизайнымен тақырыптық банк картасы шығарылды.

Бүгінде Нұрсұлтан Назарбаев халықаралық әуежайы еліміздегі ең ірі әуежайлардың бірі болып табылады. Елорданың әуе айлағы Орталық Азия елдерінің әуежайлары арасында жолаушылар ағыны мен жүк тасымалының көптігіне байланысты екінші орында, сондай-ақ посткеңестік кеңістіктегі әуежайлар арасында 12-ші орында. Бүгінгі таңда әуежай негізгі отандық және бірқатар шетелдік авиакомпаниялар үшін негіз болып табылады. Қабылданатын әуе кемелерінің ең жоғары түрі: Боинг Б-747-800, Руслан АН-124 және төменгі санаттағы ұшақтар.

Бүгінгі таңда әуежайдың әлемдік озық тәжірибелерге сәйкес жолаушыларға да, авиакомпанияларға да қызмет көрсету үшін барлық қажетті инфрақұрылымы бар. Цифрлық мүмкіндіктерді дамытудың арқасында NQZ қосымшасы арқылы жолаушылар онлайн-тіркеуді жүргізе алады, рейстерді қадағалай алады, әуежай қызметтеріне ақы төлей алады. Әуе кемелеріне отын құюдың бірегей жүйесі өз кезегінде ұшу алдындағы рәсімдерге уақытты ысырап етуді қысқартады және авиакомпанияларға жедел қызмет көрсетуге мүмкіндік береді.

Елорда әуежайын дамыту ИАТА және ИКАО халықаралық стандарттарына сәйкес жүргізіледі. Әуежайдың ұшу-қону жолағы Орталық Азиядағы ең үздіктердің бірі. Ол ІІІА ИКАО санатына сәйкес келеді және кез келген ауа райында әуе кемелерін қабылдауға және шығаруға мүмкіндік береді.

Елорда әуежайы Нұр-Сұлтан қонақтары мен жолаушылары үшін қолайлы жағдай жасау бойынша барлық мүмкіндікті қолданады.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.