Коронавирус. Қытайдың Ухань қаласында тараған белгісіз вирустың таралуына байланысты әлемнің бірқатар елінде сақтық шаралары күшейтілген режимге өтті.

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2020-02-03

Коронавирус. Қытайдың Ухань қаласында тараған белгісіз вирустың таралуына байланысты әлемнің бірқатар елінде сақтық шаралары күшейтілген режимге өтті.

Елімізде де бұл қатерлі сырқатқа байланысты Қытаймен тікелей шекараларға шектеу қойылып, вокзалдар мен әуежайларда бақылау күшейтілді.

Қазақстанға келген жолаушыларды дәрігерлер ЖРВИ және коронавирустық инфекция белгілері бойынша тексеруден өткізеді.

Санитарлық-карантиндік бақылау жүргізу ұшақ бортынан басталады. Шекарашылар бортқа көтеріледі. Оларға тиісті құжаттар таныстырылады. Одан кейін бортқа санитарлық дәрігерлер кіріп, жолаушыларға анкета толтырғызады және термометрия жүргізеді, - дейді Әуе көлігіндегі санитарлық-карантиндік бақылау бөлімінің басшысы Дария Әзімбаева.

Оның айтуына қарағанда, жолаушылар тексерудің төрт сатысынан өтеді. Алғашқысы жаңа жоғарыда айтылған борттағы тексеріс болса, кейінгісі жолаушылар әуежай ғимаратына кіріп келе жатқанда жасалады.

Ұшақ ішінде әр жолаушыны тексереді. Санитарлық дәрігерлердің міндеті – барлық жолаушы мен экипаж мүшесін термометриядан өткізу. Егер дене қызуы бар жолаушылар анықталса, оларды оқшау жерге апарады. Ары қарай оларды емдейтін дәрігерлер қарайды. Жолаушылар ұшақтан түскеннен кейін жылу түсіргіштері бар (тепловизор) жолмен жүріп өтеді, - деді ол.

Дария Әзімбаеваның айтып отырған тепловизоры осы. Бұл ұшақтан түсіп, әуежай ғимаратына кіріп келе жатқан адамдардың арасында қызуы көтерілгендері бар болса, бірден Санитарлық-карантиндік бақылау орталығына белгі береді.

Осы кезде орталық дәрігерлері сырқат жанды бірден бақылауға алып, санитарлық бөлімге әкеледі.

Онда қызу өлшегіш құралмен сырқаттың қасына бармай-ақ, температурасын өлшеуге болады.

Егер адамның шынымен ыстығы көтеріліп тұрған болса, оны есік алдында тұрған жедел-жәрдем көлігімен қаладағы ауруханаларға жеткізеді.

Жалпы алғанда инкубациялық кезең 14 күнге созылады, сол себепті жолаушылар медициналық бақылаудан өтуі керек. Олардың денсаулық жағдайы бойынша 14 күн бойы мониторинг жүргізіледі. Егер дене қызуы көтерілген адам болса, бірінші қабаттағы медициналық пунктке апарады. Ол жерде емдейтін дәрігерден бөлек инфекция бөлімінің дәрігерлері де науқастардың денсаулық жағдайын анықтайды. Егер науқас ауруханаға жатқызылуы керек деп шешілсе, ауруханаға жатқызылады. Бұл жағдайда науқасқа термометрия үшінші рет жасалады. Кестеге сәйкес, науқас сауықтыру медициналық мекемелерінің біріне жатқызылады, - дейді маман.

https://baq.kz/news/othernews/koronavirus-elorda-zholaushylar/?sphrase_id=47621203

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.