Рамп агенті - әуе кемесінің серіктесі.

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2021-02-18

Рамп агенті - әуе кемесінің серіктесі.

Рамп агенті ұшақтарға қызмет көрсету, жүктерді өңдеу және ұшақты мұз қатуға қарсы сұйықтықпен өңдеу сияқты түрлі жұмыстармен айналысады. Әуекомпанияның бұл қызметкерлері гудронизацияланған тас жолда жұмыс істейді. Олар жүктерді тасымалдау үшін пайдаланылатын ауыр жабдықты басқара алуы керек және әдетте, оларға жұмысқа кіріспес бұрын қауіпсіздік мақсатында тексеруден өту міндеттеледі. Өтемақы нұсқалары мен жеңілдіктер әуекомпания мен орналасқан жеріне байланысты болуы мүмкін.

Әуе кемелерін өңдеу процесін жеңілдету үшін агенттерді белгілі бір позицияларға тағайындайды. Осылайша, агент багажбен жұмыс істеуге, мұзға қарсы жабдықты пайдалануға барынша назар аудара алады. Ұшақтар аз болатын шағын әуежайларда рамп агентінің қызметі шектелген. Тек, қажет болған жағдайда ғана жұмыс күші күшейтіледі.

Рамп агенттің жұмыс барысы туралы Нұрсұлтан Назарбаев халықаралық әуежайының жас маманы Еркебұлан Есенғұловпен сұхбаттастық.

Еркебұлан, жұмыстағы сіздің міндеттеріңіз қандай?
Жұмыс өте жауапты, себебі ол әуе кемесіне қызмет көрсетумен тікелей байланысты. Өздеріңіз білетіндей, авиация қателіктерге жол бермейді, біздің барлық әрекеттеріміз нақты реттелген. Біздің міндеттерімізге: әуе кемесін қарсы алу/шығару, тіркеп сүйреу, мұз қатуға қарсы сұйықтықпен өңдеу, телескопиялық басқышты пайдалану, багажды, жүктерді тиеуді/түсіруді бақылау және т.б. кіреді.
Ұжыммен жұмыс істеген қолайлы ма?
Ұжым мен ішкі жағдай жаңадан бастаған авиаторлар үшін де, тәжірибелі авиаторлар үшін де өте қолайлы. Авиацияда әрқашан үйренетін нәрсе бар, жыл сайын ережелер жетілдіріліп, күшейтіліп отырады, менің әріптестерім – «Құрметті авиатор» марапаты бар Юрий Анатолевич, Вячеслав Геннадьевич және менің ауысымымның бастығы Рыспабаев Еркін маған көмектеседі.
Сізге жұмыста не ұнайды?
Маған перронда жұмыс істеген көбірек ұнайды. Әсіресе, күн батып бара жатқан уақытта ұшақтың қонғанын көруден ерекше ләззат аламын.
Ұщақты дайындауға қанша уақыт кетеді?
Нақты айту қиын, бәрі салыстырмалы түрде жүзеге асады. Мысалы, ол ұшаққа және ауа-райына байланысты. Айталық, күзгі-көктемгі кезеңде көп уақыт кетеді. Себебі люктер, панельдер қатып қалады, оларды жылыту біршама уақыт алады. Сондықтан осы кезеңде жұмысқа әдеттегіден ертерек кірісеміз.
Болашаққа қандай жоспарлар бар?
Тәжірибе жинақтап, одан әрі оқып, қоғам үшін пайдалы болып, индустрияны дамытқым келеді.
Сұхбатыңызға рақмет!

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.