Ұшу қауіпсіздігі

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2019-08-16

Ұшу қауіпсіздігі

Ұшу қауіпсіздігі көптеген құрамдас бөліктерден тұрады, оның ішінде әуежайдың жердегі қызметі де бар. Осындай қызметтердің бірі - ұшуларды орнитологиялық қамтамасыз ету қызметі.

Құстың едәуір жылдамдықта әуе кемесіне тиюі айтарлықтай зақым келтіруі және авиация оқиғасына әкелуі мүмкін. Мұндай соқтығысуларды толығымен жою мүмкін емес, алайда екпін алу, ұшу және қону кезінде осындай оқиғалардың ықтималдығын азайту үшін шаралар қабылдауға әлемнің әрбір әуежайы міндетті.

Астаналық әуежай үшін жазғы кезең орнитологиялық жағдай тұрғысынан күрделі болып саналатындығы құпия емес. Бұл әуеайлақтан 900 м қашықтықта орналасқан Майбалық көліне ұшып келетін суда жүзетін құстардың көп болуымен, жаз мезгілінде біздің аймақтың дала алқаптарында тұратын құзғын қалғаларға, сондай-ақ саны аз, бірақ біршама ірі сұнқар және үкі жасақты құстарымен байланысты.

Астаналық әуежайдың орнитолог мамандары өз жұмысында, соның ішінде құстарды үркіту үшін түрлі әдістер мен құралдарды қолданады. Ең заманауи болып биоакустикалық қондырғылар саналады. Осы уақытқа дейін Нұр-Сұлтан қаласының әуежайы стационарлық биоакустикалық қондырғыларды пайдаланды, олар әуеайлақтың белгілі бір учаскесінде белгіленген ретпен құстардың түрлі түрлерінің апат айқайларын шығарады. Бұл ретте, егер жақын аумақта құзғын қарғалар болса, онда қондырғы осы уақытта оларға әсер етпейтін шағаланың қауіптілік дыбыстарын тарата алады.

Ұшуларды орнитологиялық қамтамасыз етудің тиімділігін арттыру үшін 2019 жылдың шілде айында астаналық әуежай орнитологтардың автокөлігінде орналасатын заманауи мобилді биоакустикалық қондырғыны сатып алды, ол орнитолог байқаған құстардың дәл сол түрінің апат айқайларын таңдау арқылы электрондық планшеттен басқарылады. Мұның бәрі құс суретін басу арқылы санаулы секундта жасалады.

Осы жабдықты пайдаланудың қысқа мерзіміне қарамастан, бұл әуе кемелерінің құстармен соқтығысу қаупін төмендету жолындағы астаналық әуежайдың тағы бір қадамы деп сеніммен айтуға болады.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.