Ұшулар қауіпсізідігін орнитологиялық қамтамасыз ету жөніндегі екінші салалық конференция

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2019-03-26

Ұшулар қауіпсізідігін орнитологиялық қамтамасыз ету жөніндегі екінші салалық конференция

Ұшулар қауіпсіздігін қамтамасыз ету ауқымды міндеттер мен іс-шараларды қамтиды, оның ішінде ұшуларды орнитологиялық қамтамасыз ету маңызды рөл атқарады. Авиация тарихында әуе кемелерінің құстармен соқтығысуы бірнеше рет авиациялық оқиғаларға әкеп соқтырғандықтан, бұл мәселеге ИКАО халықаралық азаматтық авиация ұйымы тарапынан да, мемлекеттердің өзінде де елеулі назар аударылады.

Нұрсұлтан Назарбаев әуежайы ұшуларды орнитологиялық қамтамасыз етудің барлық маңыздылығын түсіне отырып, алдыңғы қатарлы тәжірибелерді пайдалана отырып, әуеайлақта әуе кемелердің құстармен соқтығысу қаупін азайтатын жағдайлар жасау үшін барлық қазіргі заманғы құралдарды пайдаланады.

2019 жылғы 03-07 наурыз аралығында Мәскеу облысының Мытищи қаласында «Құстар және авиация ұшулары» атты халықаралық салалық конференция өтті. Конференция авиациядағы құстармен соқтығысудың алдын алу бойынша азаматтық авиация мемлекеттік ғылыми-зерттеу институтының «Әуе көлігіндегі ұшу қауіпсіздігі» мемлекеттік орталығы (ААМҒЗИ-ӘКҰҚМО) құрамында авиациялық орнитология салалық тобының (АОСТ) мамандары жүзеге асыратын зерттеулердің 50-жылдығына арналған.

Конференцияға әуежайлар мен авиакомпаниялардың ұшу қауіпсіздігін орнитологиялық қамтамасыз ету жөніндегі мамандары, РФ және ТМД басқа елдерінің (Қырғызстан, Өзбекстан) әуе көлігін басқарудың аумақтық органдарының мамандары; барлығы 70 қатысушы қатысты. Конференция барысында ұшуларды орнитологиялық қамтамасыз етудің негізгі мәселелері, оларды шешу жолдары талқыланды. Әуежайлардың орналасу ерекшеліктерін ескере отырып, құстарды үркітудің заманауи тиімді құралдары қарастырылды.

Қазақстандық компаниялардан конференцияға Нұрсұлтан Назарбаев халықаралық әуежайы, Алматы қаласының халықаралық әуежайы, Эйр Астана авиакомпаниясы қатысты

Нұрсұлтан Назарбаев халықаралық әуежайының атынан орнитологиялық қамтамасыз ету жөніндегі жетекші маман А. С. Абжанов қатысты, ол Астана қаласының әуеайлағы, әуежайда қолданылатын құстарды үркіту әдістері мен құралдары, ұшуларды орнитологиялық қамтамасыз ету тиімділігінің көрсеткіштері туралы баяндама жасады.

Өткізілген іс-шаралардың және Нұрсултан Назарбаев әуежайы қызметкерлерінің үйлесімді жұмысының арқасында 2017, 2018 жылдары әуеайлақты пайдаланушының жауапкершілік аймағында құстармен соқтығысу кезінде әуе кемелерінің зақымдану жағдайлары болған жоқ

Конференция қатысушылары мен ұйымдастырушылары ұсынылған баяндамаға қызығушылық танытып, бірқатар сұрақтар қойылып, жұмысты одан әрі жетілдіру бойынша ұсыныстар берілді. Мәскеу телеарнасының журналистері А. С. Абжановтан сұхбат алды.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.