Елорда әуежайындағы жаңа терминалда бір жыл ішінде 2 миллионға жуық жолаушыға қызмет көрсетілді.

Баспасөз-орталығы

Сұрыптау

2018

2017

2019

2020

2021

2022

2023

2024

Жарнамаға арналған орын
250x250

2018-06-05

Елорда әуежайындағы жаңа терминалда бір жыл ішінде 2 миллионға жуық жолаушыға қызмет көрсетілді.

Осыдан тура бір жыл бұрын, 2017 жылғы 5-ші маусым күні Нұрсұлтан Назарбаев халықаралық әуежайындағы Т1 жаңа терминалы «Астана-Мәскеу» бағытындағы жолаушыларға алғашқы қызмет көрсетті. 2017 жылғы 31-ші мамыр күні әуежайдағы жаңа терминал мемлекет басшысы Нұрсұлтан Назарбаевтың қатысуымен ашылды. Халықаралық рейстерді қабылдайтын жаңа жолаушылар терминалы инфрақұрылымды дамытуға арналған «Нұрлы Жол» мемлекеттік бағдарламасы аясында салынды.

Қазіргі уақытта Т1 терминалында 15 халықаралық және 2 отандық әуе компаниялары тұрақты ұшып қонуды жүзеге асырады. Ашылғаннан бергі бір жыл ішінінде терминалда 2 миллионға жуық жолаушыға қызмет көрсетіліп, 10 мыңнан аса ұшақ сапарлары орындалды. Атап өтерлігі, «ЭКСПО-2017» халықаралық мамандандырылған көрме қонақтары мен қатысушыларына қызмет көрсеткен терминал маңызды шараның сәтті өтуіне өз үлесін қосты. Жаңа терминалдың жалпы аумағы 47 мың шарты метр, мұнда халықаралық жолаушылар мен VIP терминалы, әуе кемелері үшін арнайы өткізу қондырғысы бар жаңа алты тұрақ пен автобусқа шығатын төрт есік бар. Бұдан өзге, бұл жерде әуежайдағы қызмет көрсету сапасын арттыруға қажет жоғары технологиялар мен процесстер қарастырылған. Терминалда Еуропалық Одақтың стандарттарына сай сағатына 1200 бірлік жүкті бақылаудан өткізетін қазақстандағы тұңғыш жүкті тексеруге арналған заманауи жүйе мен 50 құжаттық тексеру кабинасы, 27 тіркеу орны мен 4 өзін өзі тіркеу бағаны орналасқан. Т1 терминалының жалпы өткізу мүмкіндігі жылына 5,2 миллион жолаушыны құрайды.

«Нұрсұлтан Назарбаев халықаралық әуежайы» АҚ (бұдан әрі - Қоғам) Қазақстан Республикасы Әкімшілік рәсімдік - процестік кодексінің (бұдан әрі - Кодекс) 63-бабына сәйкес, жоланымға қойылатын жалпы талаптар бар екенін хабарлайды:

Ауызша нысанда берілген жолданымды әкімшілік органның жолданымды қабылдаған лауазымды адамы немесе жұмыскері жекелеген хаттамаға енгізеді.
Жазбаша (қағаз және (немесе) электрондық) нысанда берілген жолданымда, хаттамада:

жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
жолданым берілетін әкімшілік органның, лауазымды адамның атауы;
жолданымның мәні;
жолданымның берілген күні;
арыз иесінің немесе оның өкілінің қолы;
Қазақстан Республикасының заңнамасында көзделген өзге де мәліметтер көрсетіледі.

Өз кезегінде, Кодекстің 64-бабының 4-тармағына сәйкес жалпыға қолжетімді ақпараттық жүйелер бойынша келіп түскен және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес келетін жолданымдар осы Кодексте белгіленген тәртіппен қаралуға жатады.

Осыған байланысты, Сіздің жолданымыңызды Қоғамның қабылдауы, тіркеуі және қарауы үшін оны төменде көрсетілген әдістердің бірімен беру қажет:

қолма-қол;
Қазпошта» АҚ және пошта байланысының басқа түрлері (курьерлік қызмет, жеделдетілген және т. б.) арқылы жіберу;
«eOtinish» бірыңғай өтініш беру платформасының сілтемесі бойынша: https://eotinish.kz.